2020 жылдың 5-маусымында Халықаралық құқық қорғау орталығы мен ҚР Жоғарғы Соты жанындағы әділет Академиясы арасында ынтымақтастық туралы Меморандум жасалды. Меморандум білім беру, ғылыми-зерттеу және ғылыми-тәжірибелік қызмет, ақпараттық және аналитикалық материалдарды әзірлеу, сондай-ақ Қазақстан Республикасында кәсіби кадрларды даярлау және біліктілігін арттыру саласындағы ынтымақтастықты қамтиды. Тараптар бірлескен білім беру іс-шараларын, құқықтың өзекті мәселелері бойынша ғылыми-зерттеу жобаларын, адвокаттар мен медиаторлардың үздіксіз білім беру курстарын ұйымдастыру және өткізу туралы келісімге келді.